Xalq deputatlari Chilonzor tumani Kengashi deputati, Ekologik partiya a'zosi Fayzullayeva Malika Yarkunovna tomonidan O‘zbekiston Respublikasining 2010-yil 7-iyundagi “Aholi o‘rtasida mikronutrient yetishmasligi profilaktikasi to‘g‘risida”gi O‘RQ-251-son Qonuni ijrosi yuzasidan tumandagi 33-son oilaviy poliklinika faoliyati o‘rganildi.
O‘rganish davomida mazkur Qonunning aholi, ayniqsa, bolalar, o‘smirlar va xotin-qizlar o‘rtasida vitamin va mineral moddalarga bo‘lgan ehtiyojni ta’minlash, mikronutrient yetishmasligining oldini olish hamda profilaktik tadbirlarni tashkil etishga oid talablari ijrosi ko‘rib chiqildi.
Shuningdek, poliklinikada mikronutrient yetishmasligi xavfini aniqlash, aholiga profilaktik tavsiyalar berish, zarur hollarda tegishli vitamin va mineral preparatlari bilan ta’minlash, shuningdek, aholining sog‘lom va to‘g‘ri ovqatlanish bo‘yicha xabardorligini oshirish masalalariga alohida e’tibor qaratildi.

Aniqlangan kamchilik: profilaktik tadbirlarni aholining barcha tegishli qatlamlarini to‘liq qamrab olish, mikronutrient yetishmasligi bilan bog‘liq holatlarni erta aniqlash va ushbu yo‘nalishdagi targ‘ibot-tushuntirish ishlarini yanada kuchaytirish zarurligi qayd etildi.
Deputat tomonidan aniqlangan masalalar yuzasidan mas’ul mutaxassislar bilan fikr almashilib, mavjud kamchiliklarni bartaraf etish hamda qonun talablarining amalda to‘liq ijrosini ta’minlash bo‘yicha tegishli choralarni ko‘rish belgilab olindi.
Aholi salomatligini muhofaza qilish, kasalliklarning oldini olish va profilaktik tibbiy xizmatlar sifatini oshirish deputatlik nazoratining muhim yo‘nalishlaridan biridir.