Prezidentimiz tomonidan ilgari surilgan “Yashil makon” umummilliy loyihasi doirasida Olmaliq shahrida yirik ekologik loyihaga start berildi.
Xalq deputatlari Olmaliq shahar Kengashining 2026-yil 13-iyun kuni tasdiqlangan VII-44-49-10-147-K/26-sonli qarori ijrosini ta’minlash maqsadida, “Bo‘ston” mahallasi hududida yangi Yashil jamoat parki tashkil etilmoqda.

Mazkur qaror ijrosining borishi, park uchun ajratilgan yer maydoni va ishning tashkil etilish jarayoni mutasaddilar tomonidan joyiga chiqqan holda atroflicha o‘rganildi. O‘rganishda:
Xalq deputatlari shahar Kengashi kotibiyat mudiri Sevar Qodirova;
Shahar hokimining birinchi o‘rinbosari Shermuhammad Begiyev;
Kotibiyat bosh mutaxassisi Mukarram Nematullayeva;
Ekologiya va agrar, suv xo‘jaligi masalalari bo‘yicha doimiy komissiya raisi Faxriddin Matasimov ishtirok etishdi.

O‘rganish ishlariga mahalla raisi va mahalla “yettilik” a’zolari ham jalb etilib, hududda boshlangan dastlabki yer tekislash, infratuzilma tizimini shakllantirish va ko‘kalamzorlashtirish rejalari birgalikda ko‘zdan kechirildi.
Muhim topshiriq: Mazkur yashil hududni barpo etish ishlarini belgilangan standartlar asosida va o‘z vaqtida yakuniga yetkazish, shuningdek, jarayon bo‘yicha shahar Kengashining doimiy komissiyasiga muntazam ravishda axborot kiritib borish vazifasi yuklatildi.
Tez kunda “Bo‘ston” mahallasi ahlini va barcha Olmaliqliklarni musaffo havo, soya-salqin daraxtzor hamda go‘zal dam olish maskani o‘z bag‘riga chorlaydi.