Xalq deputatlari Pastdarg‘om tumani Kengashining Mahalliy budjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiyasi tomonidan tumandagi ehtiyojmand oila xonadonlarini energiya tejamkor qilib ta’mirlashga qo‘shimcha mablag‘ ajratish masalasi ko‘rib chiqilib, tegishli qaror qabul qilindi.

Qarorga muvofiq, I guruh nogironligi bo‘lgan va mehnatga layoqatli a’zosi mavjud bo‘lmagan oilalar xonadonlarini ta’mirlash ishlarini to‘liq yakunlash maqsadida 13 million 192 ming so‘m qo‘shimcha mablag‘ ajratish zarurligi ma’qullandi.

Shuningdek, qaror bilan:
🔹 ajratiladigan mablag‘lardan maqsadli va samarali foydalanish;

🔹 xarajatlar shaffofligini ta’minlash;

🔹 ta’mirlash ishlarining borishi yuzasidan doimiy komissiyaga belgilangan muddatlarda axborot taqdim etish kabi vazifalar mas’ul tashkilotlarga yuklatildi.