Termiz tumanidagi ichki yo‘llarni ta’mirlash ishlari nazoratga olindi

2026-yil 24-iyuldagi O‘zbekiston Respublikasi Vazirlar Mahkamasining 2024-yil 11-oktabrdagi 665-sonli qaroriga asosan Termiz tumanidagi ichki yo‘llarni saqlash va joriy ta’mirlash ishlari bo‘yicha 2026-yil uchun manzilli ro‘yxatini tasdiqlash to‘g‘risidagi VII-21-101-8-117-K/26-sonli qarori qabul qilindi.

Mazkur qaror bilan Termiz tumani hududidagi ichki yo‘llarni saqlash va joriy ta’mirlash ishlari bo‘yicha 2026-yil uchun manzilli ro‘yxat tasdiqlandi. Ushbu ro‘yxat asosida mahallalar kesimida yo‘l infratuzilmasini yaxshilash, transport qatnovi xavfsizligi va aholiga yaratilayotgan qulayliklarni oshirishga qaratilgan ishlar bosqichma-bosqich amalga oshiriladi.

Mazkur qarorning ijrosi Xalq deputatlari Termiz tuman Kengashi deputatlarining doimiy nazoratida bo‘lib, belgilangan ishlarning o‘z vaqtida, sifatli va manzilli bajarilishi yuzasidan deputatlik nazorati muntazam olib boriladi. Deputatlar joylarga chiqib o‘rganishlar o‘tkazish, mas’ul tashkilotlarning hisobotlarini eshitish hamda aniqlangan kamchiliklarni bartaraf etish bo‘yicha tegishli choralar ko‘rilishini ta’minlaydi.

Yo‘l infratuzilmasini yaxshilash bo‘yicha amalga oshirilayotgan har bir ish aholining manfaatlari va hududlar rivoji yo‘lida xizmat qiladi.