Xalq deputatlari Pastdarg‘om tumani Kengashi deputati Nodir Dusmurodov tomonidan Parchaqara mahalla fuqarolar yig‘ini O‘quylar ko‘chasi aholisi tomonidan bildirilgan murojaat o‘rganildi.

Fuqarolar tomonidan ichki yo‘lning og‘ir ahvolga kelgani, yog‘ingarchilik mavsumida transport vositalari va piyodalar harakatlanishida qiyinchiliklar yuzaga kelayotgani ma’lum qilingan.

Deputat tomonidan hududga chiqib o‘rganish ishlari olib borilib, O‘quylar ko‘chasining ichki yo‘li ta’mirtalab holatda ekani, yo‘l qoplamasi eskirgani hamda asfalt qoplamasi mavjud emasligi aniqlandi.

Aniqlangan muammo yuzasidan Parchaqara MFY O‘quylar ko‘chasining ichki yo‘lini asfaltlashtirish, yo‘l infratuzilmasini yaxshilash va aholi uchun qulay hamda xavfsiz harakatlanish sharoitlarini yaratish bo‘yicha deputat so‘rovi yuborildi.