Deputat saylawshılar menen ushırastı                 

🌱 Xalıq deputatları Shımbay rayonlıq Keńesi 7-sanlı “Tazajol” saylaw okrugi Ózbekstan “Ekologiyalıq” partiyası deputatı A.Sultanbaev óziniń saylaw okrugindegi saylawshılar menen gezektegi ushırasıwın ótkerdi.

Ushırasıw dawamında xalıqtı qıynap kiyatırǵan áhmietli máseleler, máhállede ámelge asırılıp atırǵan abadanlastırıw jumısları, ishimlik suwı, jol infrastrukturası, elektr támiynatı, bántlik hám sociallıq tarawdaǵı mashqalalar dodalandı.

Puqaralar tárepinen bildirilgen usınıs hám múrájatlar deputat tárepinen tıńlanıp, olardı nızamshılıq sheńberinde sheshiw boyınsha tiyisli shólkemlerge deputatlıq sorawlar jiberiliwi hám ámeliy ilajlar kóriliwi atap ótildi.

Ushırasıw ashıqtan-ashıq sóylesiw tárizinde ótip, saylawshılar ózlerin qızıqtırǵan sorawlarǵa juwap aldı hám aymaqtı bunnan bılay da rawajlandırıwǵa baylanıslı pikir-usınısların bildirdi.