️Xalq deputatlari Jondor tumani Kengashiga 1-Tinchlik saylov okrugidan saylangan deputat I. Xolov hamda tuman Kengashi kotibiyati bosh mutaxassisi R. Murodov hamkorligida “Luqmon” mahallasida aholini uzoq vaqtdan buyon qiynab kelayotgan elektr energiyasi bilan bog‘liq muammo joyiga chiqib o‘rganildi.
⚡️O‘rganishlar davomida fuqarolar tomonidan bildirilgan murojaatlar tegishli mutasaddi tashkilotlar bilan hamkorlikda ko‘rib chiqildi. Deputat tashabbusi va amaliy sa’y-harakatlari natijasida elektr ta’minotidagi mavjud muammo qisqa muddatda bartaraf etilib, mahalla aholisining uzluksiz va sifatli elektr energiyasidan foydalanishi uchun zarur choralar ko‘rildi.
⚡️Mahalla fuqarolari muammoning ijobiy hal etilganidan mamnun ekanliklarini bildirib, ko‘rsatilgan amaliy yordam uchun deputat hamda mutasaddi tashkilotlar vakillariga o‘z minnatdorliklarini izhor etdilar.
⚡️Xalq deputatlari Jondor tumani Kengashi deputatlari tomonidan saylovchilar murojaatlarini o‘rganish, hududlardagi dolzarb muammolarni aniqlash va ularni amaliy hal etishga qaratilgan ishlar izchil davom ettirilmoqda.