️Xalq deputatlari Jondor tumani Kengashiga 1-Tinchlik saylov okrugidan saylangan deputat I. Xolov hamda tuman Kengashi kotibiyati bosh mutaxassisi R. Murodov hamkorligida "Luqmon" mahallasida O‘zbekiston Respublikasi Oliy Majlisi Senati Kengashining 2025-yil 14-yanvardagi KQ-35-V-son qarori ijrosi doirasida deputatlarning "mahalla yettiligi" bilan o‘zaro hamkorligini yanada kuchaytirish masalalari muhokama qilindi.
➡️Uchrashuv davomida mahalladagi dolzarb muammolarni o‘z vaqtida aniqlash, fuqarolar murojaatlarini samarali hal etish, kambag‘allikni qisqartirish, aholi bandligini ta’minlash hamda hududni ijtimoiy-iqtisodiy rivojlantirish borasidagi hamkorlikni mustahkamlash yuzasidan fikr almashildi.
➡️Yakunda "mahalla yettiligi" faoliyatini yanada takomillashtirish va belgilangan vazifalar ijrosini ta’minlash bo‘yicha tegishli tavsiyalar berildi.