Muloqot davomida mahallada mavjud dolzarb muammolar atroflicha muhokama qilindi. Xususan, ayrim ko‘chalarda eskirgan hamda tartibga keltirilishi lozim bo‘lgan elektr simlari va tarmoqlarini yangilash zarurligi, ushbu masala aholini uzoq vaqtdan buyon tashvishga solayotgani ta’kidlandi.

Shuningdek, fuqarolar tomonidan bolalarga tug‘ilganlik haqidagi guvohnoma (metrika) rasmiylashtirish jarayonida uchrayotgan ayrim muammolar ham ko‘tarilib, ularni bartaraf etish yuzasidan tegishli tavsiyalar berildi.

Uchrashuv davomida ko‘tarilgan masalalar yuzasidan mutasaddi tashkilotlar bilan bog‘lanilib, ularni hal etish bo‘yicha zarur choralar ko‘rish so‘raldi. Zarurat tug‘ilganda mazkur masalalar yuzasidan tegishli idoralarga deputatlik so‘rovi yuborilishi va ularning ijrosi deputatlik nazoratiga olinishi ma’lum qilindi.

Yakunda fuqarolar tomonidan bildirilgan murojaat va takliflar umumlashtirilib, ularni bosqichma-bosqich ijobiy hal etish yuzasidan tegishli ishlar olib borilishi belgilandi.

️ Xalq deputatlari Samarqand shahar Kengashi