Keksalar, nogironligi bo‘lgan shaxslar va aholining boshqa ijtimoiy ehtiyojmand toifalariga ko‘rsatilayotgan ijtimoiy xizmatlar o‘rganildi

✨Xalq deputatlari Zangiota tumani Kengashi deputati F.Radjapova Zangiota tumani “Inson” ijtimoiy xizmatlar markazi direktori J.Muratov bilan uchrashib, keksalar, nogironligi bo‘lgan shaxslar hamda aholining boshqa ijtimoiy ehtiyojmand toifalariga ko‘rsatilayotgan ijtimoiy xizmatlar yuzasidan suhbatlashdi.

✨O‘rganish davomida markaz tomonidan amalga oshirilayotgan ishlar, aholiga ko‘rsatilayotgan ijtimoiy xizmatlar sifati, murojaatlar bilan ishlash tizimi hamda ehtiyojmand fuqarolarni qo‘llab-quvvatlash bo‘yicha olib borilayotgan chora-tadbirlar o‘rganildi va muhokama qilindi.

✨Shuningdek, deputat tomonidan ijtimoiy xizmatlar samaradorligini yanada oshirish, aholiga manzilli yordam ko‘rsatish hamda mavjud muammolarni bartaraf etish yuzasidan tegishli taklif va tavsiyalar bildirildi.