Deputat nazorati
Qonun_targ'iboti

O'zbekiston Respublikasining 2019-yil 2-sentyabrda qabul qilingan "Xotin-qizlarni tazyiq va zo'ravonlikdan himoya qilish to'g'risida"gi Qonuni (O'RQ-561) hamda "Xotin-qizlar va erkaklar uchun teng huquq hamda imkoniyatlar kafolatlari to'g'risida"gi Qonuni (O'RQ-562) yuzasidan targ'ibot tadbiri o'tkazildi

📍Xalq deputatlari O'rta Chirchiq tuman Kengashi deputati B.Baxovadinov, tuman hududidagi 27-umumta'lim maktabi Davlat va huquq asoslari fani o'qituvchisi N.Yunusov bilan hamkorlikda nikohlanuvchi yoshlar uchun huquqiy-ma'rifiy targ'ibot tadbiri tashkil etildi.

🔶Tadbir davomida ishtirokchilarga O'zbekiston Respublikasining 2019-yil 2-sentyabrda qabul qilingan "Xotin-qizlarni tazyiq va zo'ravonlikdan himoya qilish to'g'risida"gi Qonuni (O'RQ-561) hamda "Xotin-qizlar va erkaklar uchun teng huquq hamda imkoniyatlar kafolatlari to'g'risida"gi Qonuni (O'RQ-562) mazmun-mohiyati keng tushuntirildi.

🔶Mutaxassislar tomonidan mazkur qonunlarning asosiy maqsadi xotin-qizlarning huquq va erkinliklarini ishonchli himoya qilish, tazyiq va zo'ravonlikning oldini olish, oilada sog'lom muhitni shakllantirish, shuningdek, jamiyatning barcha sohalarida ayollar va erkaklar uchun teng huquq hamda imkoniyatlarni ta'minlashdan iborat ekanligi ta'kidlandi.