Payshanba – Yoshlar kuni munosabati bilan Xalq deputatlari G‘ozg‘on shahar Kengashi deputati, shahar hokimi Nurali Jo‘rayev va Kengash deputati M.Saidova hamda tegishli mas’ullar Shayxon mahallasida istiqomat qiluvchi yoshlar bilan uchrashdi.

Uchrashuv davomida yoshlarning murojaatlari, taklif va tashabbuslari tinglanib, ularni qiynayotgan masalalar atroflicha muhokama qilindi. Xususan, bandlikni ta’minlash, tadbirkorlik faoliyatini yo‘lga qo‘yish, kasb-hunar egallash, ta’lim olish hamda bo‘sh vaqtni mazmunli tashkil etish bilan bog‘liq masalalar yuzasidan fikr almashildi.

Bunday ochiq muloqotlar yoshlarni har tomonlama qo‘llab-quvvatlash, ularning muammo va takliflarini o‘rganish hamda davlatorganlari bilan bevosita muloqotni kuchaytirishga xizmat qilmoqda.