Xalq deputatlari Parkent tuman Kengashining “Agrar, suv xo‘jaligi va ekologiya masalalari bo‘yicha doimiy komissiyasi” tomonidan o‘z faoliyat yo‘nalishlari doirasida fuqarolarning yer munosabatlariga oid murojaatlarini ko‘rib chiqishga alohida e’tibor qaratilmoqda.Xususan, bugun doimiy komissiya a’zolari Ismailov Qamariddin Abdurahimovich va Usipxodjayev Yerlan Ormanovich hamda tuman Kengashi deputati,kotibiyat bosh mutaxassisi To‘layev Eldor Zafaritdin o‘g‘li tomonidan tuman Kengashiga yer masalalari yuzasidan murojaat qilgan fuqarolar qabuli amalga oshirildi.Qabul jarayonida fuqarolar tomonidan bildirilgan murojaatlar tinglanib, yer munosabatlari, yer uchastkalaridan foydalanish hamda ushbu yo‘nalishdagi masalalar yuzasidan amaldagi qonunchilik talablari asosida huquqiy tushuntirishlar berildi.Shuningdek, fuqarolar murojaatlarida ko‘tarilgan masalalarni qonuniy tartibda hal etish yuzasidan tegishli tavsiya va tushuntirishlar berilib,murojaatlarni belgilangan tartibda o‘rganish hamda zarur choralarni ko‘rish masalalariga e’tibor qaratildi.Mazkur ishlar doimiy komissiyaning o‘z vakolatlari doirasida fuqarolar murojaatlari bilan ishlash, yer va suv resurslaridan oqilona foydalanish, agrar sohadagi masalalarni o‘rganish hamda qonunchilik ijrosi ustidan jamoatchilik va deputatlik nazoratini amalga oshirish borasidagi faoliyatining amaliy ifodasidir.