Inson qadri va xalq manfaatlari ustuvordir 

Xalq deputatlari Qo‘shko‘pir tumani Kengashi deputati B. Jabbarov hamda kotibiyat bosh mutaxassisi S. Matyaqubovalar Shixmashhad mahallasida bo‘lib, mahalla yettiligi faoliyati hamda fuqarolar bilan olib borilayotgan ishlarga doir holatni o‘rgandilar. 

O‘rganish jarayonida mahalla yettiligi tomonidan aholi murojaatlarini o‘z vaqtida ko‘rib chiqish, fuqarolar bilan ochiq muloqotni yo‘lga qo‘yish, ijtimoiy muammolarni joyida hal etish va davlat organlari bilan hamkorlikni yanada mustahkamlash masalalariga alohida e’tibor qaratildi. 

Ta’kidlanganidek, mahalla tizimi bugungi kunda davlat va xalq o‘rtasidagi ishonchli ko‘prik sifatida faoliyat yuritmoqda. Deputatlik nazorati doirasida bunday o‘rganishlar fuqarolarning manfaatlarini ta’minlash, mahallalarda ijtimoiy-siyosiy barqarorlikni mustahkamlash hamda Yangi O‘zbekistonda inson qadri va xalq manfaatlarini ustuvor etishga qaratilgan islohotlar ijrosini samarali ta’minlashga xizmat qiladi.