Bugungi kunda mahallalarimiz chiroyiga chiroy qo‘shish, xonadonlar ozodaligi va madaniyatini oshirish hamda tomorqalardan unumli foydalanish masalasiga alohida e’tibor qaratilmoqda. Zero, go‘zallik va baraka avvalo o‘z xonadonimizdan, o‘z mahallamizdan boshlanadi. Xalq deputatlari Jalaquduq tuman Kengashi raisi Sh.Xaytaxunov hamda deputatlar I.Jo‘rayev, A.Qurbonov va E.Qurbonovlar Ko‘kalam MFYda bo‘lib, olib borilayotgan obodonlashtirish ishlari jarayonini o‘rgandilar. Mahalla va xonadon obodligi nimada aks etadi? · Ozodalik va tartib: Ko‘chalar va xonadon atroflarini saranjom-sarishta tutish, Chiqindilardan xoli qilish. · Yashil makon: Hovli va ko‘cha chekkalariga mevali hamda manzarali daraxtlar, gullar ekip, ko‘kalamzorlashtirish. · Serhosil tomorqa: Bir qarich erni ham bo‘sh qoldirmay, ekin ekish, issiqxonalar tashkil etib, yiliga 2-3 marta hosil olish. Tomorqasi obod oilaning dasturxoni to‘kin, daromadi barqaror bo‘ladi. Mahallasi ozoda yurtning esa kelajagi charog‘ondir! Keling, barchamiz o‘z xonadonimiz va mahallamiz obodligiga munosib hissa qo‘shaylik!