Xalq deputatlari Angor tumani Kengashining 20-Do‘stlik saylov okrugi deputati Qulliyeva Orzigul hamda Kengash kotibiyatining bosh mutaxassisi Xurramov Laziz hamrohligida mahallada fuqarolar murojaatlari bilan ishlash holati joyiga chiqqan holda o‘rganildi.

O‘rganish davomida aholidan kelib tushgan murojaatlarning ko‘rib chiqilish jarayoni, ularning ijrosi, mavjud muammolarni bartaraf etish bo‘yicha amalga oshirilayotgan ishlar hamda murojaatlar bilan ishlash tizimining samaradorligi tahlil qilindi. Shuningdek, fuqarolar bilan muloqot o‘tkazilib, ularni qiynayotgan dolzarb masalalar tinglandi hamda tuman hokimligi mas'ul xodimlari bilan hamkorlikda ularni hal etish yuzasidan deputat tomonidan tegishli tavsiya hamda topshiriqlar berildi.

Mazkur o‘rganishdan ko‘zlangan asosiy maqsad — fuqarolar murojaatlari bilan ishlash sifatini yanada oshirish, mavjud muammolarni o‘z vaqtida aniqlash va ularning ijobiy yechimini ta'minlashdan iborat.