Xalq deputatlari Mirzo Ulug‘bek tumani Kengashi deputati Muyassar Yuldasheva tomonidan “Shaxrisabz” mahallasida deputatlik faoliyati yuzasidan joriy yilning ikkinchi choragi yakunlari bo‘yicha axborot berildi.

Uchrashuvda xalq deputatlari Toshkent shahar Kengashi deputatining ishonchli vakili, Mirzo Ulug‘bek tumani hokimligi mas’ul xodimi, O‘zLiDeP Mirzo Ulug‘bek tumani Kengashi raisi, “Inson” ijtimoiy xizmatlar markazi direktori, mahalla yettiligi va faollari hamda nuroniylar ishtirok etdi.

Ochiq muloqot tarzida o‘tkazilgan tadbirda deputat Muyassar Yuldasheva yig‘ilish ishtirokchilariga O‘zbekiston Respublikasi qonunchiligiga muvofiq deputatlar yil davomida saylovchilar oldida muntazam axborot berib borishi belgilanganini ta’kidlab, 2026-yilning ikkinchi choragida amalga oshirilgan deputatlik faoliyati yuzasidan batafsil axborot taqdim etdi.


Uchrashuv davomida fuqarolar o‘zlarini qiziqtirayotgan masalalar va takliflarini bildirdilar. Bildirilgan murojaat va takliflar deputat tomonidan nazoratga olinib, ularni mas’ul tashkilotlar bilan hamkorlikda ijobiy hal etish bo‘yicha amaliy choralar ko‘rilishi ma’lum qilindi.