Xalq deputatlari Angor tumani Kengashining 12-Qodiriy saylov okrugi deputati Qo‘ziyeva Shoira hududiga qarashli Novshahar mahallasida ijtimoiy xodim faoliyati joyiga chiqib o‘rganildi.

Mazkur o‘rganish Xalq deputatlari Angor tumani Kengashi kotibiyati mudiri Jamshid Raximqulov tomonidan olib borildi.

O‘rganish davomida mahalladagi ehtiyojmand oilalar, yolg‘iz keksalar, nogironligi bo‘lgan shaxslar hamda ijtimoiy himoyaga muhtoj fuqarolar bilan ishlash holati, murojaatlarni qabul qilish va ularning ijrosini ta’minlash, "Inson" ijtimoiy xizmatlar markazi bilan hamkorlik, ijtimoiy xizmatlarning manzilli tashkil etilishi hamda yuritilayotgan hujjatlar tahlil qilindi.

Shuningdek, aniqlangan kamchiliklarni bartaraf etish, fuqarolarga ko‘rsatilayotgan ijtimoiy xizmatlar sifatini yanada oshirish hamda ijtimoiy himoyaga muhtoj aholini har tomonlama qo‘llab-quvvatlash yuzasidan tegishli tavsiya va ko‘rsatmalar berildi.