O‘zbekiston Respublikasi Prezidentining 2026-yil 5-yanvardagi “Respublika mahallalarida xavfsiz muhitni yaratish yo‘nalishida yaxlit manzilli ishlash tizimini joriy etishga qaratilgan qo‘shimcha chora-tadbirlar to‘g‘risida”gi PQ-1-son qarorining 2026-yil I chorak yakunlari bo‘yicha ijrosi to‘g‘risidagi Xalq deputatlari Chilonzor tuman Kengashining III-21-45-14-204-K/26-son qarori tasdiqlandi.

Mazkur qaror ijrosi doirasida Toshkent shahrida xavfsiz muhitni shakllantirish hamda jamoat xavfsizligini samarali ta’minlash bo‘yicha o‘tkazilgan tanqidiy yig‘ilishda belgilangan vazifalarning ijrosini ta’minlash maqsadida Chilonzor tumani mahallalarida xavfsiz muhitni yaratish yo‘nalishida yaxlit manzilli ishlash tizimini joriy etish borasida bir qator amaliy chora-tadbirlar amalga oshirildi.

Jumladan, tuman hokimligida “Situatsion markazi” tashkil etildi.

Shuningdek, tumandagi 55 ta mahallaga O‘zbekiston Respublikasi Ichki ishlar vazirligi hamda Toshkent shahar Ichki ishlar bosh boshqarmasidan mas’ul rahbarlar nomma-nom biriktirildi. Barcha idoralar va mas’ul tashkilotlarning mahallalarda xavfsiz muhitni yaratish bo‘yicha xizmat vazifalari aniq belgilab berildi.

Mahallalarda jinoyatchilikning barvaqt oldini olishga qaratilgan profilaktik chora-tadbirlarni samarali tashkil etish maqsadida O‘zbekiston Respublikasi IIV Akademiyasining 17 nafar professor-o‘qituvchisi, 56 nafar magistratura tinglovchisi hamda dual ta’lim tizimi asosida 400 nafar kursanti ushbu jarayonga jalb qilindi.