Bo‘stonliq tumani fuqarolarining 2026-yil 15-iyuldagi murojaatlari O‘zbekiston Respublikasining “Jismoniy va yuridik shaxslar murojaatlari to‘g‘risida”gi Qonuniga muvofiq xalq deputatlari Bo‘stonliq tumani Kengashi raisi O.Babayev, doimiy komissiya raisi F.Axmedov, kotibiyat mudiri J.Sadirov va kotibiyat xodimi M.Tursunbayeva tomonlaridan tuman IIB Yo‘l harakati xavfsizligi bo‘limi boshlig‘i A.Utegenov ishtirokida 16-iyul kuni joyiga chiqqan holda o‘rganildi.

Aniqlanishicha, tumanning “Dumaloq” mahallasi hududidan o‘tgan “Toshkent-Bektemir-Chorvoq” avtomobil yo‘lining “Dumaloq Stroy” savdo majmuasi yaqinida Yo‘l harakati qoidalarining 2.5 “STOP” belgisi 2.4 “Yo‘l bering” belgisi bilan birgalikda, avtomobil yo‘lining tepalikka ko‘tarilish qismiga joylashtirilganligi, bu holat avtotransport vositalariga to‘xtab qo‘zg‘alishda noqulaylik tug‘dirayotganligi, shu bilan birga asossiz jarimalar to‘lashga sabab bo‘layotganligi aniqlandi.

Tuman IIB Yo‘l harakati xavfsizligi bo‘limi boshlig‘i A.Utegenov tomonidan mazkur yo‘l belgisi tumanning yo‘l belgilar bazasida ro‘yxatga olinmaganligini aniqlashtirib, tegishli mutasaddilarga ushbu belgini darhol olib tashlash bo‘yicha ko‘rsatma berdi. Deputatlar va ichki ishlar organi xodimlari hamkorligida tezkor harakatlari natijasida aholining ko‘plab muammolarini barham etilishiga erishildi.