🏥 Olmazor tumanidagi 2-Tumanlararo Perinatal markaz faoliyati o‘rganildi

Xalq deputatlari Olmazor tuman Kengashi raisi Sh.Umarxodjayeva hamda Xalq deputatlari Toshkent shahar Kengashi deputatlari Olmazor tumanida joylashgan 2-Tumanlararo Perinatal markaziga tashrif buyurishdi.

Tashrif davomida markazda onalar va yangi tug‘ilgan chaqaloqlarga ko‘rsatilayotgan tibbiy xizmatlar sifati, davolash jarayonlari, zamonaviy tibbiy uskunalar, yaratilgan shart-sharoitlar hamda tibbiyot xodimlari faoliyati bilan yaqindan tanishildi.

Shuningdek, perinatal markaz faoliyatini yanada takomillashtirish, tibbiy xizmatlar sifatini oshirish, bemorlar uchun qulay sharoitlarni kengaytirish hamda sog‘liqni saqlash tizimidagi dolzarb masalalar yuzasidan mas’ullar bilan fikr almashildi.

Tashrif yakunida aholi, ayniqsa onalar va bolalar salomatligini muhofaza qilish borasida olib borilayotgan ishlarni yanada samarali tashkil etish, ilg‘or tajribalarni amaliyotga keng joriy etish hamda tibbiyot muassasalari faoliyatini qo‘llab-quvvatlash yuzasidan tegishli tavsiya va takliflar bildirildi.