Tadbirda Samarqand viloyati hokimi Adiz Boboyev, Samarqand shahar hokimi Fazliddin Umarov, mutasaddi tashkilotlar rahbarlari, keng jamoatchilik vakillari hamda Xalq deputatlari Samarqand shahar Kengashi deputatlari N. Sadinova, Sh. Musurminova va F. G‘aybullayev ishtirok etdilar.

Yangi istirohat bog‘i zamonaviy arxitektura va innovatsion yechimlar asosida barpo etilgan bo‘lib, unda sun’iy ko‘l, uzunligi 85 metr, balandligi 25 metr bo‘lgan oynali ko‘prik, hayvonot bog‘i, shahar manzarasini tomosha qilish imkonini beruvchi baland charxpalak, "Amerika tog‘lari" attraksioni, avtodrom hamda karting maydoni tashkil etilgan.

Mazkur majmua samarqandliklar va shahar mehmonlari uchun zamonaviy dam olish maskani sifatida xizmat qilishi, ichki turizmni rivojlantirish, aholining mazmunli hordiq chiqarishi hamda shahar turizm salohiyatini yanada oshirishga munosib hissa qo‘shishi kutilmoqda.

Xalq deputatlari Samarqand shahar Kengashi