Kengash kotibiyati xodimlari tomonidan deputat G‘.I. Abdullayevga biriktirilgan tegishli tashkilotning mas’ullari bilan uchrashuv o‘tkazildi.

Ushbu uchrashuvda Kengash kotibiyati xodimlari S.Nabiyev va S.Meliqo‘ziyevlar tomonidan deputat G‘.I. Abdullayevning deputatlik faoliyati davomida ma’lumotlar almashinuvi maqsadida unga biriktirilgan tuman “Boboshbek” yengil sanoat mahsulotlarini ishlab chiqarish, logistika va savdo kompleksi direktori O.Aliberdiyev ishtirokida davra suhbati olib borildi.

Bunda mazkur Kompleksda olib borilayotgan obodonlashtirish ishlari, u yerda ishlab chiqarilayotgan sanoat mahsulotlarining eksport qilish hamda yangi qurilishi rejalashtirilayotgan loyihalar doirasidagi ishlarning borishi yuzasidan o‘zaro axborot almashildi.

So‘ngra bu borada deputat hamda tumandagi davlat idora va tashkilotlari mas’ullari bilan o‘zaro bunday hamkorlikni yanada takomillashtirish to‘g‘risida kelishib olindi.

Xalq deputatlari Uchko‘prik tumani Kengashi