Xalq deputatlari Bo‘stonliq tumani Kengashining 2026-yilga mo‘ljallangan Ish rejasiga muvofiq O‘zbekiston “Milliy tiklanish” partiyasidan saylangan deputat F.Axmedov tomonidan tumanning “S.Raximov” mahallasida aholi bandligini ta’minlash, kambag‘allikni qisqartirish hamda tadbirkorlikni rivojlantirish yo‘nalishida amalga oshirilayotgan ishlar samaradorligini o‘rganish maqsadida hokim yordamchisi D.Axmedov faoliyati joyida tahlil qilindi.
🔺O‘rganish davomida hokim yordamchisi tomonidan aholini doimiy daromad manbai bilan ta’minlash, ishsiz fuqarolarni bo‘sh ish o‘rinlariga yo‘naltirish, kasb-hunarga o‘qitish, o‘zini o‘zi band qilish, imtiyozli kredit va subsidiyalar ajratish hamda oilaviy tadbirkorlikni qo‘llab-quvvatlash borasida amalga oshirilayotgan ishlar bilan tanishildi.
🔺O‘rganish yakunida aholi farovonligini yuksaltirish, yangi ish o‘rinlarini yaratish va kambag‘allikni qisqartirishga qaratilgan har bir chora-tadbir doimiy deputatlik nazoratida bo‘lishi ta’kidlanib, aniqlangan kamchiliklarni bartaraf etish yuzasidan tegishli vazifalar belgilab berildi.