Xalq deputatlari Bo‘stonliq tumani Kengashining 2026-yilga mo‘ljallangan Ish rejasiga muvofiq Kengash raisi O.Babayev tomonidan tumanning “Pargos” mahallasiga biriktirilgan yoshlar yetakchisi B.Amantayev tomonidan mahallada yoshlarga oid davlat siyosati ijrosi, yoshlar bandligini ta’minlash hamda ularning bo‘sh vaqtlarini mazmunli tashkil etish borasida amalga oshirilayotgan ishlar yuzasidan o‘rganish o‘tkazildi.

🔺O‘rganish davomida yoshlar yetakchisi tomonidan yoshlar balansini yuritish, ishsiz yoshlarni kasb-hunarga o‘qitish, ularning doimiy va mavsumiy bandligini ta’minlash, tadbirkorlikka jalb qilish, imtiyozli kreditlar hamda davlat dasturlari orqali qo‘llab-quvvatlash bo‘yicha olib borilayotgan ishlar tahlil qilindi.

🔺Shuningdek, "Yoshlar daftari"ga kiritilgan yoshlar bilan manzilli ishlash, ularning muammolarini aniqlash va bartaraf etish, iqtidorli yoshlarni qo‘llab-quvvatlash, sport musobaqalari, ma’naviy-ma’rifiy tadbirlar hamda turli tanlovlarga jalb etish yuzasidan amalga oshirilayotgan chora-tadbirlar bilan tanishildi.

🔺O‘rganish jarayonida aniqlangan ayrim kamchiliklarni bartaraf etish, yoshlar bilan ishlash samaradorligini yanada oshirish, ularning murojaatlari bilan tizimli ishlash va belgilangan vazifalar ijrosini kuchaytirish bo‘yicha tegishli tavsiya hamda takliflar berildi.