Xalq deputatlari Pastdarg‘om tuman Kengashining navbatdagi sessiyasi kun tartibiga tuman veterinariya va chorvachilikni rivojlantirish bo‘limi boshlig‘ining hisoboti kiritilganligi munosabati bilan deputatlar hamda kotibiyat mas’ullari tomonidan joylarda sessiya oldi o‘rganish ishlari olib borilmoqda.

Jumladan, Xalq deputatlari Pastdarg‘om tuman Kengashi kotibiyati bosh mutaxassisi E. Turayev Qorasuv mahallasida fuqarolar xonadonlariga tashrif buyurib, veterinariya xizmatlari amaliyoti bilan yaqindan tanishdi.

O‘rganish davomida chorva mollarini ro‘yxatga olish, veterinariya pasportlarini yuritish hamda xizmatlar ko‘rsatilish holati o‘rganilib, mavjud masalalar yuzasidan fuqarolar fikrlari tinglandi.

Aniqlangan holatlar bo‘yicha veterinariya sohasini yanada takomillashtirish, xizmatlar sifatini oshirish hamda aholi murojaatlarini tezkor hal etish yuzasidan tegishli tavsiyalar berildi.