Xalq deputatlari Jondor tumani Kengashiga 12-"Mustaqillik" saylov okrugidan saylangan deputat J.Xudoyev tashabbusi bilan tumanga investitsiyalarni jalb etish va sanoat salohiyatini oshirish borasida amaliy ishlar olib borilmoqda.
🔹Xususan, Xitoy Xalq Respublikasining "999 EPT" MChJ xorijiy korxonasi tomonidan tog‘-kon sanoatida foydalaniladigan zamonaviy reagentlarni ishlab chiqarishga qaratilgan investitsiya loyihasi amalga oshirilmoqda. Mazkur loyiha nafaqat zamonaviy ishlab chiqarish quvvatlarini yaratish, balki yangi ish o‘rinlarini tashkil etish, mahalliy sanoatni rivojlantirish va tumanning investitsiyaviy jozibadorligini oshirishga ham xizmat qiladi.
🔹Loyiha doirasida ishlab chiqarish jarayonlarini yo‘lga qo‘yish, ilg‘or texnologiyalarni joriy etish hamda mahalliy xomashyo va mehnat resurslaridan samarali foydalanish rejalashtirilgan.
🔹Deputat J.Xudoyev tomonidan investorlar bilan hamkorlikni kengaytirish, hududda yangi investitsiya loyihalarini amalga oshirish hamda iqtisodiy o‘sishni ta'minlashga qaratilgan tashabbuslar izchil davom ettirilmoqda.
🔹Mazkur sa'y-harakatlar Jondor tumanining sanoat salohiyatini mustahkamlash, aholi bandligini oshirish va hududning barqaror iqtisodiy rivojlanishini ta'minlashda muhim omil bo‘lib xizmat qilmoqda.