Xalq deputatlari tuman Kengashi kotibiyati bosh mutaxassisi G.Abduvositova hamda xalq deputatlari tuman
Kengashi deputatlari U.Achilovlar tomonidan aholining qo‘shimcha daromad manbalarini o‘rganish, tomorqadan samarali foydalanish hamda oilaviy tadbirkorlikni qo‘llab-quvvatlash maqsadida o‘rganish ishlari olib borildi. Tashrif davomida To‘rttol mahallasi, Ona yer ko‘chasida istiqomat qiluvchi Davlatova Dilfuzaxonning xonadoniga
tashrif buyurildi. Fuqaro o‘z tomorqa yer maydonida zamonaviy issiqxona tashkil etgan bo‘lib, unda qishloq xo‘jaligi mahsulotlari yetishtirish yo‘lga qo‘yilgan. Shuningdek, xonadonda chorvachilik ham rivojlantirilgan bo‘lib, hozirgi kunda 10 bosh qoramol va 16 bosh qo‘y parvarish qilinmoqda. Chorvachilikdan olinayotgan go‘sht, sut va boshqa mahsulotlar oila daromadini oshirishda muhim manba bo‘lib xizmat qilayotgani ta’kidlandi.