“Yangiariq” MFY hududida obodonlashtirish ishlari amalga oshirildi

Xalq deputatlari Navoiy shahar Kengashi deputati Dilmurod Ergashev tashabbusi bilan “Yangiariq” mahalla fuqarolar yig‘ini hududida, G‘alaba shoh ko‘chasi bo‘ylab joylashgan uchastkalarning devorlarini bo‘yash va hududni obodonlashtirish ishlari amalga oshirildi.

Mazkur ishlar doirasida ko‘cha bo‘yidagi turar joylar va infratuzilma ob’ektlari tashqi ko‘rinishini yaxshilash, hududning estetik qiyofasini yanada chiroyli va tartibli holga keltirishga alohida e’tibor qaratildi. Obodonlashtirish jarayonlari mahalla faollari va tegishli xizmatlar hamkorligida tashkil etildi.

Tadbir davomida fuqarolarning yashash sharoitini yaxshilash, mahalla hududini yanada obod va ko‘rkam qilish, shuningdek, aholining ijtimoiy faolligini oshirishga xizmat qiluvchi ishlar izchil davom ettirilayotgani ta’kidlandi.

Shu bilan birga, hududni tartibli saqlash va amalga oshirilgan obodonlashtirish ishlarini asrab-avaylash muhimligi qayd etildi.Mazkur tadbir yakunida amalga oshirilgan ishlar yuzasidan fotolavhalar taqdim etildi.