Xalq deputatlari Chilonzor tumani Kengashining 5-Charx Kamolon saylov okrugi deputati Mahmudova Donoxon Artikovna tomonidan “Charx Kamolon-2” mahallasida istiqomat qiluvchi fuqarolar bilan navbatdagi uchrashuv tashkil etildi.

Uchrashuv davomida mahalla aholisi bilan ochiq muloqot o‘tkazilib, ularni qiynayotgan ijtimoiy, kommunal va infratuzilmaga oid muammolar, shuningdek, fuqarolar tomonidan bildirilgan taklif va murojaatlar atroflicha o‘rganildi.

Aniqlangan muammolarni bartaraf etish maqsadida tegishli davlat va xo‘jalik boshqaruvi organlari hamda mas’ul tashkilotlar bilan birgalikda amaliy yechimlar ishlab chiqilib, ularni qisqa muddatlarda hal etish bo‘yicha zarur choralar belgilandi.

Deputat o‘z faoliyatida saylovchilar bilan muntazam uchrashuvlar o‘tkazish, ularning murojaatlarini o‘z vaqtida ko‘rib chiqish hamda aholini o‘ylantirayotgan masalalarni qonuniy asosda hal etishga alohida e’tibor qaratayotganini ta’kidladi.

Bunday uchrashuvlar fuqarolar bilan ochiq va samarali muloqotni mustahkamlash, hududdagi mavjud muammolarni o‘z vaqtida aniqlash hamda ularni tizimli ravishda bartaraf etishga xizmat qilmoqda.