Xalq deputatlari Tuproqqal'a tuman Kengashi deputati Sobirjon Allayorov tomonidan "Inson" ijtimoiy xizmatlar markazi xodimlari ishtirokida O‘zbekiston Respublikasining 2020-yil 15-oktabrdagi "Nogironligi bo‘lgan shaxslarning huquqlari to‘g‘risida"gi O‘RQ-641-son Qonunining mazmun-mohiyati hamda uning ijrosi yuzasidan davra suhbati tashkil etildi.

Suhbat davomida qonunda belgilangan huquq va kafolatlar, nogironligi bo‘lgan shaxslarning ijtimoiy himoyasini ta'minlash borasidagi ustuvor vazifalar haqida atroflicha fikr almashildi. Ishtirokchilar tomonidan bildirilgan savollarga amaldagi qonunchilik asosida batafsil tushuntirish va huquqiy izohlar berildi.

Mazkur tadbir aholining huquqiy madaniyatini yuksaltirish hamda qonun hujjatlarining mazmun-mohiyatini keng targ‘ib etishga xizmat qildi.