Fuqarolar sog‘lig‘ini saqlash sohasida qonun ijrosi o‘rganildi

Xalq deputatlari Paxtachi tumani Kengashining 9-"Obodon" saylov okrugidan saylangan deputati N.Xusanova tomonidan hududdagi oilaviy poliklinikada O‘zbekiston Respublikasining "Fuqarolar sog‘lig‘ini saqlash to‘g‘risida"gi Qonuni ijrosi yuzasidan o‘rganish ishlari olib borildi.

O‘rganish davomida aholiga birlamchi tibbiy-sanitariya yordami ko‘rsatish sifati, tibbiy xizmatlarning qonun talablariga muvofiqligi, fuqarolar uchun yaratilgan sharoitlar hamda tibbiyot xodimlarining faoliyati tahlil qilindi.

 Mazkur qonun fuqarolarning sog‘liqni saqlashga oid huquqlarini kafolatlash, sifatli va o‘z vaqtida tibbiy yordam ko‘rsatishni ta'minlashga qaratilgan.

O‘rganish yakunida aniqlangan holatlar yuzasidan tegishli tavsiya va takliflar ishlab chiqilib, aholiga ko‘rsatilayotgan tibbiy xizmatlar sifatini yanada oshirish, qonun ijrosini to‘liq ta'minlash bo‘yicha mas'ullarga tegishli tavsiyalar berildi.