27-iyun — Matbuot va ommaviy axborot vositalari xodimlari kuni.

Yurtimizda amalga oshirilayotgan keng ko‘lamli islohotlar, bunyodkorlik ishlari va davlat siyosatining mazmun-mohiyatini aholiga tezkor, xolis hamda haqqoniy yetkazishda ommaviy axborot vositalari xodimlarining o‘rni beqiyosdir.

Jamiyatda ochiqlik va shaffoflikni ta’minlash, fuqarolarning axborot olish huquqini ro‘yobga chiqarish, jamoatchilik fikrini shakllantirish hamda davlat va xalq o‘rtasidagi ishonchli muloqotni mustahkamlash yo‘lida fidoyilik bilan mehnat qilayotgan barcha jurnalistlar, blogerlar va ommaviy axborot vositalari vakillarini kasb bayrami bilan samimiy muborakbod etamiz.

Xalq deputatlari Angor tumani Kengashi deputatlari hamda Kengash kotibiyati jamoasi barcha matbuot va ommaviy axborot vositalari xodimlariga mustahkam sog‘lik, oilaviy baxt-saodat, ijodiy yutuqlar, yuksak marralar hamda mas'uliyatli faoliyatlarida ulkan muvaffaqiyatlar tilaydi.

Kasb bayramingiz muborak bo‘lsin!