Oliy Majlis Qonunchilik palatasi deputati mahalladagi islohotlar bilan tanishdi.

Bugun Oliy Majlis Qonunchilik palatasi deputati Ra’no Xursanovna Istanaqulova Angor tumanidagi 7-Yangiobod saylov okrugiga tashrif buyurib, hududda amalga oshirilayotgan islohotlar va bunyodkorlik ishlari bilan yaqindan tanishdi.

Tashrif davomida deputatga Xalq deputatlari Angor tumani Kengashi kotibiyati mudiri Jamshid Raximqulov hamrohlik qildi.


Dastlab “Yangiobod” mahalla fuqarolar yig‘ini raisi O‘ktam Qoroboyev tomonidan mahallada olib borilayotgan obodonlashtirish va bunyodkorlik ishlari, aholi turmush farovonligini oshirish, infratuzilmani rivojlantirish hamda ijtimoiy muhitni yanada yaxshilash borasida amalga oshirilayotgan chora-tadbirlar haqida batafsil ma’lumot berildi.

Shuningdek, deputat mahalladagi xotin-qizlar faoli bilan uchrashib, xotin-qizlar bandligini ta’minlash, ularni tadbirkorlik va kasb-hunarga jalb etish, ijtimoiy qo‘llab-quvvatlash bo‘yicha amalga oshirilayotgan ishlar yuzasidan fikr almashdi.

Muloqot davomida “Kambag‘allikdan farovonlik sari” dasturi doirasida amalga oshirilayotgan loyihalar, aholining daromad manbalarini kengaytirish, yangi ish o‘rinlari yaratish hamda ijtimoiy himoyaga muhtoj oilalarni qo‘llab-quvvatlash borasidagi ishlar muhokama qilindi.

Tashrif yakunida deputat mahallada amalga oshirilayotgan bunyodkorlik va obodonlashtirish ishlari bilan tanishib, aholi farovonligini oshirishga qaratilgan islohotlarning natijadorligini alohida e’tirof etdi.