YOSHLAR YETAKCHISI FAOLIYATI O‘RGANILDI.

Xalq deputatlari Angor tumani Kengashi kotibiyati mutaxassisi M. Choriyeva tomonidan 1-Guliston saylov okrugida joylashgan Guliston mahallasida yoshlar yetakchisi faoliyati o‘rganildi.

O‘rganish davomida mahallada jami 736 nafar yoshlar istiqomat qilishi, ular bilan tizimli ishlash yo‘lga qo‘yilgani ma’lum bo‘ldi. Xususan, shu oy davomida yoshlarning muammo va takliflarini o‘rganish, ularni ijtimoiy faollikka jalb etish hamda bandligini ta’minlash masalalariga bag‘ishlangan 5 ta uchrashuv tashkil etilgan.

Shuningdek, yoshlarning bo‘sh vaqtini mazmunli tashkil etish, kasb-hunarga yo‘naltirish, tadbirkorlikka qiziqishini oshirish hamda ularning ijtimoiy qo‘llab-quvvatlanishini ta’minlash borasida amalga oshirilayotgan ishlar yuzasidan tegishli ma’lumotlar olindi.