📌 Xalq deputatlari Shovot tumani Kengashining navbatdagi sessiyasi kun tartibiga kiritilishi rejalashtirilgan masala yuzasidan Kengash kotibiyati mudiri I. Masharipov tomonidan Shovot tumani sog‘liqni saqlash bo‘limida o‘rganish ishlari olib borildi.
🔍 O‘rganish davomida:
🩺 Sog‘liqni saqlashni rivojlantirishga oid davlat dasturlarining bajarilishi;
🛡 Kasalliklar profilaktikasi bo‘yicha amalga oshirilayotgan chora-tadbirlar;
🥗 Aholi o‘rtasida sog‘lom turmush tarzini targ‘ib qilish va to‘g‘ri ovqatlanish madaniyatini shakllantirish ishlari;
📊 Sog‘liqni saqlash tizimining asosiy ko‘rsatkichlari hamda ularning bugungi holati atroflicha o‘rganildi.
📋 O‘rganish jarayonida sohaga oid hujjatlar, statistik ma’lumotlar va amaliy ishlar tahlil qilinib, mavjud holat yuzasidan tegishli xulosa hamda takliflar ishlab chiqildi.
🏥 Mazkur o‘rganishlardan ko‘zlangan asosiy maqsad — aholi salomatligini mustahkamlash, tibbiy xizmatlar sifatini oshirish, kasalliklarning oldini olish hamda sog‘liqni saqlash sohasidagi davlat dasturlari ijrosining samaradorligini ta’minlashdan iborat.
📝 O‘rganish natijalari Xalq deputatlari Shovot tumani Kengashining navbatdagi sessiyasida muhokama qilinishi rejalashtirilgan.
🤝 Aholi salomatligi — jamiyat taraqqiyotining muhim omilidir!