Xalq deputatlari Andijon shahar Kengashi deputati Dilafruz Qurbonova Andijon pedagogika texnikumida faol yosh o‘qituvchilar bilan uchrashuv o‘tkazdi.

Muloqot davomida bugungi kunning dolzarb masalalari, jumladan, bitiruvchi yoshlarning mehnat bandligini ta’minlash, imtihonlar yakuni bo‘yicha mavjud masalalar, sport to‘garaklari hamda qisqa muddatli o‘quv kurslari faoliyatini yanada takomillashtirish yuzasidan fikr almashildi.

Shuningdek, mahallalar va ta’lim muassasalarida yoshlarning yozgi ta’tilini mazmunli va samarali tashkil etish, ularning bo‘sh vaqtini foydali mashg‘ulotlarga yo‘naltirish bo‘yicha tadbirlarni o‘z vaqtida va sifatli amalga oshirish vazifalari belgilab olindi.