Xalq deputatlari viloyat Kengashi deputati G.Bobojonova hamda tuman Kengashi deputati U.Achilovlar
To‘rttol mahallasida bo‘lib, aholi bilan uyma-uy yurish orqali ochiq muloqotlar o‘tkazdilar. Deputatlar
xonadonlarga tashrif buyurib, fuqarolarning turmush sharoiti, ijtimoiy ahvoli, bandlik masalalari, kommunal xizmatlar sifati, ichimlik suvi, elektr energiyasi, yo‘l infratuzilmasi, sog‘liqni saqlash va ta’lim sohalariga oid murojaatlari hamda takliflarini tingladilar. Deputatlar suhbat chog‘ida mamlakatimizda amalga oshirilayotgan islohotlar, aholi farovonligini oshirishga qaratilgan davlat dasturlari, mahallalarni kompleks rivojlantirish, bandlikni
ta’minlash, tadbirkorlikni qo‘llab-quvvatlash va ijtimoiy himoya sohasida amalga oshirilayotgan ishlar xususida ham fuqarolarga ma’lumot berdilar.