20-Тинчлик сайлов округидан сайланган депутат Орибжон Тожибоев Кенгаш котибияти ходимлари билан биргаликда “Тинчлик” МФЙда бўлиб, “Очиқ бюджет” (Open Budget) ахборот портали орқали ғолиб деб топилган лойиҳа ижросини жойида ўрганди.

Мазкур лойиҳа доирасида ҳудуддаги ички кўчаларнинг жами 4.2 км қисмини асфальтлаш ишлари режалаштирилган. Ҳозирги кунда бунёдкорлик ишлари “Сифатли асфалт сервис кластери” МЧЖ томонидан қизғин ва сифатли тарзда амалга оширилмоқда.

Қурилиш-таъмирлаш ишларини тўлиқ якунлаш ва йўлни аҳоли фойдаланиши учун топшириш муддати жорий йилнинг июль ойи бошига белгиланган бўлиб, жараён депутат ва котибият томонидан назоратга олинган.