Qonun ijrosi o‘rganildi

Xalq deputatlari Qo‘shko‘pir tuman Kengashi deputati X. Ibragimov hamda kotibiyat bosh mutaxassisi S. Matyaqubova tomonidan O‘zbekiston Respublikasining "O‘zbekiston Respublikasida mulkchilik to‘g‘risida"gi 152-XII-son Qonuni ijrosi yuzasidan o‘rganish ishlari olib borildi.
O‘rganish jarayonida qonun talablarining amaliyotdagi ijrosi, mulkchilik munosabatlarini tartibga solish hamda mulkdorlarning qonuniy huquq va manfaatlarini ta’minlash borasida amalga oshirilayotgan ishlar tahlil qilindi. Shuningdek, qonun ijrosini yanada samarali tashkil etish, aniqlangan holatlar yuzasidan tegishli tavsiya va takliflar ishlab chiqish masalalariga alohida e’tibor qaratildi.
Ta’kidlanganidek, qonun hujjatlarining to‘liq va sifatli ijrosini ta’minlash, mulkchilik munosabatlarida qonun ustuvorligini mustahkamlash hamda fuqarolar va tadbirkorlik subyektlarining mulkiy huquqlarini ishonchli himoya qilish davlat siyosatining ustuvor yo‘nalishlaridan biri hisoblanadi.