#deputatlar_nazorati #poytaxtdeputatlari #deputatlik_faoliyati

❗️ Xalq deputatlari Toshkent shahar Kengashi deputati faoliyati yuzasidan uchrashuv oʻtkazildi

🏛 Xalq deputatlari Toshkent shahar Kengashi 33-Beltepa saylov okrugi deputati U.Sanakulov "Katta Jarariq" mahalla fuqarolar yigʻinida aholi bilan uchrashdi. Uchrashuvda mahalla faollari, fuqarolar va nuroniylar ishtirok etishdi.  

📝 Uchrashuvda deputat U.Sanakulov tomonidan faoliyatning asosiy 24 ta yoʻnalishi yaʼni aholining ijtimoiy ehtiyojmand aholi qatlamiga koʻrsatilayotgan yordamlar, bepul beriladigan dori vositalari bilan taʼminlash va nogironligi boʻlgan shaxslarga davlat tomonidan beriladigan imtiyozlar masalalariga alohida eʼtibor qaratildi.

📁 Uchrashuv davomida aholidan koʻp qavatli uylarning holati, atrof muhit tozaligi yuzasidan bildirilgan takliflar va murojaatlar muhokama qilinib, tegishli mutasaddi tashkilotlar bilan birgalikda bartaraf etilishi maʼlum qilindi. 

🔎 Shuningdek, deputat U.Sanakulov aholini ijtimoiy qoʻllab quvvatlash va yoshlarning boʻsh vaqtlarini unumli oʻtkazish maqsadida 40 nafardan ortiq mahalla faollarini hamda yoshlar "Gʻalaba bogʻi yodgorlik majmuasi"ga va "Qatagʻon qurbonlari xotiri muzeyi"ga sayohat uyushtirishda boshchilik qildi.   

🗣 Uchrashuv yakunida Xalq deputatlari Toshkent shahar Kengashi deputati U.Sanakulov tomonidan 29-Beltepa saylov okrugi aholisi bilan oʻzaro ishonch va hamkorlik munosabatlarini mustahkamlash, ularning turmush sharoitini yaxshilashga qaratilgan faoliyatini har doim davom ettirishini maʼlum qildi.

📱 Telegram 📱 Instagram 📱 Facebook 📱 YouTube 🔎 E-kengash