Xalq deputatlari Shovot tumani Kengashi kotibiyat mudiri Izzat Masharipov hamda tuman Kengashi deputati Dilmurod Qo‘shnazarov tomonidan Madaniyat, Beshchiqir va Po‘lat mahallalari aholisi bilan o‘tkazilgan sayyor qabul davomida bildirilgan murojaatlar joyiga chiqib o‘rganildi.
Jumladan, Madaniyat mahallasida yashovchi fuqaro tomonidan elektr energiyasi tarmoqlari simlari uchun qo‘shimcha to‘sin o‘rnatish masalasi yuzasidan murojaat kelib tushgan edi. Mazkur murojaat deputatlar va tegishli soha mutaxassislari ishtirokida joyiga chiqib o‘rganilib, amaliy choralar ko‘rildi.
Natijada elektr tarmog‘idagi mavjud muammo bartaraf etilib, murojaat ijobiy hal etildi.
Bu kabi ishlar fuqarolar murojaatlariga tezkor va samarali yechim topish, aholi turmush sharoitlarini yaxshilash hamda hududlarda mavjud muammolarni bartaraf etishga xizmat qilmoqda.