Xalq deputatlari Ishtixon tuman Kengashi kotibiyati mudiri N.Kiyamov o‘z saylov okrugida joylashgan Qo‘chqor Qarshiyev mahallasida deputatlar S.Abdug‘aniyev hamda M.Raximov bilan birgalikda o‘rganish ishlarini olib bordi.

O‘rganish davomida mahalladagi yangi qurilgan ko‘p qavatli uylar hududida chiqindilarni o‘z vaqtida olib chiqish holati, shuningdek, atrof-muhit tozaligi ko‘zdan kechirildi.

Natijalarga ko‘ra, hududda mavjud chiqindi konteynerlari soni yetarli emasligi, bu esa chiqindilarni o‘z vaqtida va tartibli yig‘ishda muammolarni keltirib chiqarayotgani aniqlandi. Shu bilan birga, qo‘shimcha chiqindi konteynerlari o‘rnatish hamda zamonaviy talablar asosida chiqindixona tashkil etish zarurligi qayd etildi.

Mazkur masala yuzasidan tegishli tashkilotlarga taklif va tavsiyalar berilib, hududda sanitariya holatini yaxshilash, aholiga qulay shart-sharoitlar yaratish bo‘yicha amaliy choralar ko‘rilishi belgilandi.

Obodonlashtirish va tozalik — umumiy mas’uliyatimiz.

Bizni ijtimoiy tarmoqlarda kuzating:

Telegramm (https://t.me/Ishtixon_tuman_Kengashi) | Web-sayt (https://kengash.gov.uz/ishtixon) | Facebook (https://www.facebook.com/share/1Aq9YsjUr2/) | Instagram (https://www.instagram.com/ishtixontumanikengashi?utm_source=qr&igsh=ZDZ4YjJvd3k3aGp2)