Xalq deputatlari Muborak tumani Kengashi deputati Abdiyeva Oysuluk Abduraxmonovna tomonidan yuborilgan deputat so‘rovi ijrosi ta’minlanib, aholi uchun muhim bo‘lgan masala ijobiy hal etildi.

🔵Mazkur so‘rovda “Yoshlik” mahallasi hududida joylashgan politexnikum oldidagi serqatnov chorrahada o‘quvchilar va piyodalar xavfsizligini ta’minlash maqsadida svetofor o‘rnatish masalasi ko‘tarilgan edi.

🔵Muborak tumani hokimligi tomonidan 2026 yilda Qashqadaryo viloyati hududida amalga oshirilishi mo‘ljallangan yo‘l xaritasiga asosan ushbu hududda zamonaviy svetofor o‘rnatilib, piyodalar harakati uchun qulay va xavfsiz sharoit yaratildi.

✔️Bu kabi amaliy natijalar deputatlik faoliyatining asosiy yo‘nalishi — saylovchilar murojaatlarini hal etish va ularning xavfsizligini ta’minlash borasidagi ishlar izchil olib borilayotganidan dalolat beradi.

✅Shu bilan birga, hududda yo‘l harakati xavfsizligini ta’minlash, ayniqsa yoshlar va bolalarni himoya qilishga qaratilgan ishlar davom ettiriladi.