Ishtixon tuman hokimligi kichik majlislar zalida Xalq deputatlari tuman Kengashi deputatlari, Kengash kotibiyati xodimlari hamda Kengash huzuridagi ekspert guruhi a’zolari ishtirokida yig‘ilish bo‘lib o‘tdi.

Unda Kengash qarorlari loyihalari O‘zbekiston Respublikasi Konstitutsiyasi, amaldagi qonunchilik hujjatlari hamda mamlakatimizda amalga oshirilayotgan islohotlarning maqsad va vazifalariga muvofiqligi nuqtai nazaridan atroflicha ko‘rib chiqildi.

Yig‘ilish davomida loyihalarni yanada takomillashtirish, ularning amaliy samaradorligini oshirish yuzasidan ekspertlar tomonidan tegishli taklif va tavsiyalar bildirildi.

Mazkur jarayon qarorlar sifatini oshirish, ularning qonuniy asosda qabul qilinishini ta’minlash hamda hududiy rivojlanishga xizmat qiluvchi samarali mexanizmlarni shakllantirishda muhim ahamiyat kasb etadi.

Bizni ijtimoiy tarmoqlarda kuzating:

Telegramm (https://t.me/Ishtixon_tuman_Kengashi) | Web-sayt (https://kengash.gov.uz/ishtixon) | Facebook (https://www.facebook.com/share/1Aq9YsjUr2/) | Instagram (https://www.instagram.com/ishtixontumanikengashi?utm_source=qr&igsh=ZDZ4YjJvd3k3aGp2)