Xalq deputatlari Muzrabot tuman Kengashi raisi - deputat Nurmahmatov Sayidali Mahmatqulovich o‘z saylov okrugidagi “Yurtim” jamoli” mahallasida bo‘lib, hokim yordamchisi tomonidan amalga oshirilayotgan ishlarni tuman Kengashi kotibiyati mudiri D.Sherboyev bilan hamkorlikda o‘rgandi.

Tashrif davomida mahallada ijtimoiy-iqtisodiy ahvoli og‘ir bo‘lgan oilalar bilan ishlash, ularni bandlikka jalb etish, kasb-hunar o‘rgatish hamda tadbirkorlik faoliyatini yo‘lga qo‘yish bo‘yicha olib borilayotgan chora-tadbirlar atroflicha tahlil qilindi.

Shuningdek, yo‘nalishlar bo‘yicha ajratilgan kreditlar, subsidiyalar va boshqa ko‘mak turlarining maqsadli yetkazilishi hamda ularning samaradorligi o‘rganildi.

O‘rganish jarayonida deputatlar tomonidan mahallada kambag‘allikni qisqartirish, aholi daromadlarini oshirish va ularning turmush sharoitlarini yaxshilashga qaratilgan ishlarni yanada kuchaytirish zarurligi ta’kidlanib, tegishli taklif va tavsiflar berildi.