DEPUTATLIK SO‘ROVLARI IJROSI BO‘YICHA
MONITORING MUHOKAMASI O‘TKAZILDI 

🔹 Tuman Kengashi raisi B.Ahmadjonov
boshchiligida doimiy komissiya raislari hamda kotibiyat xodimlari ishtirokida
deputatlik so‘rovlariga berilayotgan javoblar va ularning amaliy ijrosi
yuzasidan monitoring muhokamasi o‘tkazildi. 

🔹 Muhokamada deputatlik so‘rovlarining fuqarolar
muammolarini tezkor aniqlash va ularni joyida hal etishdagi samarali mexanizm
sifatida ahamiyati alohida ta’kidlandi. Shu bilan birga, so‘rovlar ijrosini
kuchaytirish va mas’ul tashkilotlar bilan hamkorlikni yanada samarali yo‘lga
qo‘yish zarurligi qayd etildi. 

🔹 Ma’lum qilinishicha, shu kunga
qadar tuman Kengashi deputatlari tomonidan 40 ta deputatlik so‘rovi yuborilgan
bo‘lib, ularning ijrosi natijasida fuqarolarning ko‘plab murojaatlari
bosqichma-bosqich ijobiy hal etilib bormoqda. Bu esa deputatlik nazoratining
amaliy samaradorligi ortib borayotganidan dalolat beradi.