Xalq deputatlari Jondor tumani Kengashiga 1-Tinchlik saylov okrugidan saylangan deputat I.Xolov hamda tuman Kengashi kotibiyati bosh mutaxassisi R.Murodovlar saylov okrugi hududida yangi tashkil etilgan qurilish materiallari bozori faoliyati bilan yaqindan tanishdilar.

✔️Tashrif davomida bozorda yaratilgan shart-sharoitlar, tadbirkorlar uchun imkoniyatlar va aholiga ko‘rsatilayotgan xizmatlar ko‘zdan kechirildi. Mazkur investisiya loyihasining ishga tushirilishi natijasida hududda yigirmaga yaqin yangi ish o‘rinlari yaratilgani alohida ta’kidlandi.

✔️Shuningdek, mutasaddilar tomonidan bozor faoliyatini yanada takomillashtirish, xizmatlar sifatini oshirish va aholi bandligini ta’minlash yuzasidan tegishli tavsiyalar berildi. Ushbu loyiha hudud iqtisodiy salohiyatini oshirish va aholi farovonligini ta’minlashda muhim ahamiyat kasb etadi.