Xalq deputatlari tuman Kengashi deputati Z.Axmedova, kotibiyat bosh mutaxassisi M.Mahmudov va O‘zbekiston Liberal-demokratik partiyasi tuman Kengashi apparat rahbari A.O‘rmonovalar tomonidan Ucholish mahalla fuqarolar yig‘inida “mahalla yettiligi” tomonidan olib borilayotgan ishlar o‘rganildi.

O‘rganish davomida ijtimoiy xodim tomonidan ehtiyojmand oilalarga ko‘rsatilayotgan moddiy va ijtimoiy yordamlar, ajratilgan mablag‘ va resurslarning maqsadli sarflanishi atroflicha tahlil qilindi.

Shuningdek, mahalladagi ijtimoiy muammolar, xususan, kam ta’minlangan oilalarni qo‘llab-quvvatlash, nogironligi bo‘lgan shaxslar hamda yolg‘iz keksalarga ko‘rsatilayotgan xizmatlar holati ham ko‘zdan kechirildi. Mahalla “yettiligi” a’zolari tomonidan olib borilayotgan profilaktik ishlar yuzasidan ham tegishli tavsiyalar berildi.