Xalq deputatlari tuman Kengashi deputati R.Sultonov tomonidan Yangi yo‘l mahalla fuqarolar yig‘inida infratuzilmani yaxshilash maqsadida tuman Kengashining tegishli qarorlari asosida ajratilgan mablag‘larning maqsadli va samarali sarflanishi yuzasidan o‘rganish ishlari olib borildi.

O‘rganishlar natijasiga ko‘ra, hudud aholisini uzoq yillar davomida qiynab kelgan elektr ta’minoti bilan bog‘liq muammolar bartaraf etilgani aniqlandi. Jumladan, mahalla hududiga zamonaviy transformator o‘rnatilib, elektr uzatish tarmoqlari yangilandi hamda tayanch ustunlari almashtirildi.

Shu bilan birga, hududni obodonlashtirish borasida ham muhim ishlar amalga oshirilib, ichki ko‘chalarda asfaltlashtirish ishlari bajarildi.

Mazkur ishlar aholi turmush sharoitini yaxshilash va hudud infratuzilmasini yanada rivojlantirishga xizmat qilmoqda.